गजल By, अम्बिका कार्क अमु


गजल By, अम्बिका कार्क अमु 

मेरो देशको अस्तित्व नै मेटिन्छ कि पीर लाग्छ।
पहाड हाँस्दा हिमालले छेकिन्छ कि पीर लाग्छ।

खोला नाला सललल लस्किदैछन् दक्षिण तिर
बग्दा बग्दै इतिहास भै लेखिन्छ कि पीर लाग्छ।

शान्ति भूमि नेपाल र स्वाभिमान यो नेपालीको
तराईको लुम्बिनी गई सेरिन्छ कि पीर लाग्छ ।

गोर्खालीको वीरता झन् परदेशीदै गुम्न थाल्दा
सिमानाका पिल्लर अझै ठेलिन्छ कि पीर लाग्छ ।

यस्तै यस्तै पीर ब्यथा लेखेर यो गजल बन्यो
सम्पत्ति र न्याय अन्तै पेसिन्छ कि पीर लाग्छ।

अम्बिका कार्की अमु
सर्लाही वाग्मती नपा
हाल चितवन भरतपुर

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com