अमेरिकाको टेक्सस ओर्लिन नायिका प्रियंका कार्की

विजय थापा असार १६,

नेपाली चलचित्रकी अभिनेत्री प्रियंका कार्की अमेरिकाको टेक्सस राज्यको ड्यालस शहरमा ओर्लिएकी छिन् l नायिका कार्की भोलि जुन ३० देखि जुलाई २ सम्म हुने नेप्लीज अमेरिकन कन्भेन्सन नामक सम्मेलनमा सहभागी हुन् आएकी हुन् l 

उनले उक्त सम्मेलनमा ३ दिन सम्म कार्यक्रमहरुमा सहभागिता जनाउने छिन l बिशेष उनी कार्यक्रम प्रस्तोता, भेषभूषा प्रदर्शनमा मुख्य आकर्षणको रुपमा बिशेष प्रस्तुति गर्ने तथा सांस्कृतिक कार्यक्रममा समेत सहभागी हुने छिन् ।

भेषभूषा प्रतिस्प्रद्धामा १८ देखि २९ बर्षका युवतीहरुको सहभागीता हुने छन् भने उक्त सम्मेलनमा खेलकुद, मनोरंजन, बिबिध मंच, गोष्ठी, व्यापार प्रदर्शन, बालबालिका प्रतियोगिता तथा बिबिध सांस्कृतिक कार्यक्रमहरु हुने छ l 

उनलाई स्वागत गर्न नेप्लीज अमेरिकन सम्मेलनका आयोजक मध्ये कै स्वयम् सेवकहरुमा कार्यक्रम संयोजक प्याट्रिक सुबेदी लगायत अन्य विमानस्थल पुगेका थिए l प्रियंका लाई खादा लगाई स्वागत गरिएको थियो l

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com