गजल By, अम्बिका कार्की "अमु "


गजल By, अम्बिका कार्की "अमु "

नेपालकी हौ कि तिमी नानी भारतको ?
भनीदेउन ठुली छौ कि सानी भारतको ?

उत्तरबाट    बग्दैछीन्   नदि   दक्षिणतिर
काली ,कोशी ,गण्डकीका पानी भारतको।

उत्तरतिर  हाँसेका ती  सेता   हिमाललाई
सिमा गाड्ला चिनलेपनि छा´नि भारतको।

जुनै  जोगि  आएपनी  सत्ता  भित्र  पस्दा
आज्ञाकारी हुन्छन् आदेश मा´नी भारतको ।

नुन,  तेल, सियोपनि  उतैबाट  धान्नुपर्छ
मेरो देशको पेट्रोलियम खानी भारतको ।

नेपालीका पोशाकमा संसदभवन  छिर्दा
काम्न थाल्छन् नेताहरु धामी भारतको ।

जंगल  पस्दा  बन्दुकपनी  थिए  त्यतैका
पाउ मोल्छन् मोदी प्रभु ठा´नी भारतको ।

बहादुरका पसिनाले बन्यो उसका देश
योजना हुन् हाम्रा शक्ति ला`नी भारतको ।।

अम्बिका कार्की "अमु "
सर्लाही हाल भरतपुर ,चितवन

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com