गजल:- भाउ बढेको छ

गजल By, केसब थापा

शरीर बेचेर इज्जत कमाउनेहरूको भाउ बढेको छ आज।।
आफ्नो औकात भुलेर रमाउनेहरूको भाउ बढेको छ आज।।

भुल्यो बिगतका दिनहरू कुन अवस्थामा छटपटाईरहेको थियो
भगवान भनी पत्थर समाउनेहरूको  भाउ बढेको छ आज।।

हेर्छ आकाशका ताराहरू अनि हराउछ आफ्नै दुनायामा
अधेरी रातमा जुनकिरी समाउनेहरूको भाउ बढेको छ आज।।

बनावटि चित्र देखाएर चरितार्थ बेच्यो  सधै उसले
मदिरा पीएर आगनमा धमधमाउनेहरूको भाउ बढेको छ आज।।

केसब थापा
गुलरीया बर्दिया
हाल-भारत