गज़ल By, कोमल भट्ट


गज़ल By, कोमल भट्ट

सहारा छुटेर रोएँ
भरोषा टुटेर रोएँ

उदाए विपत्ति लाखौँ
व्यथाले कुटेर रोएँ

खपेको छु शीत ताप
झरीले चुटेर रोएँ

विधाता रहेछ पापी
सुखानी लुटेर रोएँ

दुखेको छ जिन्दगानी
विचिन्ता जुटेर रोएँ

सुखाशा भए खरानी
दशाले भुटेर रोएँ

वृथामा भएँ प्रवासी
म भाग्गे फुटेर रोएँ

(विश्राम :-३ अक्षरमा)
-कोमल भट्ट
पुरानो नैकाप,काठमाडौँ
(चन्द्रागिरी नगरपालिका,वा.नं.२१)
हाल:-न्युयोर्क,अमेरिका

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com