१०२ वर्षीया बृद्धा इमेटले क्लिन्टनलाई मतदान गर्ने

एजेन्सी कार्तिक १८,

अमेरीकाको एरिजोनाकी १०२ वर्षीया बृद्धा जेरी इमेटले आगामी राष्ट्रपतीय निर्वाचनमा डेमोक्र्याटीक पार्टीकी उम्मेदवार हिलारी क्लिन्टनलाई मतदान गर्ने बताएकी छिन। उनी संयुक्त राज्य अमेरिकामा महिलालाई मताधिकार प्राप्त हुनु ६ वर्षअघि सन् १९१४ मा जन्मेको अमेिरकाबाट प्रकाशित हुने डेलीन्युजले जनाएको छ।

१०२ वर्षीया ज्येष्ठ नागरिक जेरी इमेट क्लिन्टनकी समर्थक हुन् र उनले मताधिकार सदुपयोग गर्दै क्लिन्टनलाई जिताउन एरिजोनावासी सबै महिलालाई आह्वान गरेकी छन् । जेरी जुलाई महिनामा फिलाडेल्फियामा महिनाभर त्यहाँका सञ्चार माध्यममा मुख्य समाचार बनेकी थिइन । उनले अमेरिकाको पुर्व मतदान प्रणालीलाई प्रयोग गर्न पनि आव्हान गरेकी थिइन्।

अमेरिकी संविधानको १९ औं संसोधनपछि सन् १९२० को अगस्ट महिनादेखि अमेरीकामा महिलाले मताधिकार प्रदान गरिने बिधेयक स्वीकृत भएको थियो । त्यतिबेला इमेटले आफ्नी आमा पहिलोपटक मतदान गर्न गएको दिन स्मरण गरेकी थिइन्।

अवकाशप्राप्त शिक्षिका जेरी भन्छिन् ‘ जिवनभर आफ्नो भोट एक महिलालाई हाल्न पर्खेर बसेको र क्लिनटन, जो अब राष्ट्रको प्रथम महिला राष्ट्रपति बन्नेछिन्, उनलाई मतदान गर्न आफू निकै उत्साहित छु ।’

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com