हिलारीलाई जिताउन “नेपाली फर हिलारी” नामक अभियान सशक्त

विजय थापा ,वाशिंगटन डीसी असोज २४,

डेमोक्रेटिक दलकी राष्ट्रपति कि प्रत्याशी हिलारी क्लिन्टनलाई बिजयी गराउन “नेपाली फर हिलारी” नामक अभियानलाई तिब्र पारिएको छ l नेपाली मतदाता तथा हिलारीका समर्थकलाई परिचालन गर्दै चुनावी प्रचार प्रसारलाई व्यापक बनाउने तथा घर दैलो अभियान समेत गर्ने भएको छ l
आगामी नोवेम्बर ८ तारिखमा हुने अमेरिकाको राष्ट्रपतीय निर्वाचनलाई पूर्ण लक्ष्य बनाई एएपीआई-भिक्ट्री फन्ड” नामक सस्थाले गत अक्टोबर ८ तारिखमा आयोजना गरेको कार्यक्रममा नेपाली समुदायले ऐक्यबद्धता देखाउदै शक्ति प्रदर्शन गरेका छन् l 

एसियन अमेरिकन तथा प्रशान्त द्वीप वासी समुदायलाई आगामी नोवेम्बर मा हुने निर्वाचनमा योग्य मतदातालाई मत खसाल्न उत्प्रेरणा गर्ने ध्येयले एएपीआई-भिक्ट्री फन्ड को निर्माण गरेको हो l 

एएपीआई-भिक्ट्री फन्डले डीसी महानगर क्षेत्रमा अवस्थित नोभा सामुदायिक महाबिद्यालयमा गत अक्टोबर ८ तारिख बिहान ११ बजे देखी ३ बजे सम्म कार्यक्रम सफलता पूर्वक सन्चालन गरि उल्लेख्य संख्यामा समर्थकहरु जुटाउन सफल भएको छ l 

‘नेपाली फर हिलारी’ नामक उक्त कार्यक्रममा भर्जिनियाका गवर्नर टेरी म्याकअलिफ ,सांसद जेरी कोनोली, उप मन्त्रि क्रिस्टोफर पी लू ,फिलिस रान्डेल, निरा टन्डन तथा अन्य बिशिस्ट अतिथीहरुको सहभागिता रहेको थियो l चुनावी प्रचारको सिलसिलामा अभियानले तयार गरेकाे गन्जी समेत वितरण गरिएको थियो l 

भर्जिनियाका गभर्नर टेरी म्याकअलुफले कार्यक्रममा सम्बोधन गर्दै हिलारी अमेरिकाकाे राष्ट्रपति हुन याेग्य छिन् भन्दै डाेनाल्ड ट्रम्फ राष्ट्रपति त के राष्ट्रपतिकाे उम्मेद्वार हुन पनि याेग्य नभएकाे विचार राखेका थिए l कार्यक्रममा डेमाक्रेटिक दलका अन्य बिभिन्न नेताहरुले मन्तब्य राखेका थिए ।

कार्यक्रममा हिलारीको समर्थनमा नेपाली समुदायको अतिरिक्त अफ्रिकन अमेरिकन डेमोक्रेटिक क्लब ,सी प्याड मेरिल्याण्ड ,शिख फर हिलारी ,वुमेन नेसनल डेमोक्रेटिक क्लब ,इटालियन नेसनल डेमोक्रेटिक लिडरशिप काउन्सिल ,जेन्डर राइट ,एनजी डि सी ,एलजीबिटि डेमोक्रेट ,डब्लु एल एन ,मुस्लिम फर हिलारी ,भर्जिनिया वुमेन फर हिलारी ,कोरियन अमेरिकन लिडरशिप काउन्शिल तथा कासा इन एक्सन नामक संस्थाहरुले ऐक्यबद्धता देखाएका थिए l 

उक्त कार्यक्रममा अनेकौ देशका प्रतिनिधिहरुका सामुन्ने नेपाली समुदायको तर्फ बाट भर्जिनिया सेन्टरभिल कि बिद्यार्थी प्रकृति देउजाले अमेरिकन राष्ट्रिय गीत गाउने अवसर पाएकी थिइन् l 

झन्डै दुई दशक अगाडी देखि डीसी क्षेत्रमा बसोबास गर्दै आएका डेमोक्रेटिक दलका युवा नेता हरि शर्माले नेपाली सहभागिताकाे संयाेजन गरेका थिए l उनले भने नेपालीहरूकाे ठूलाे सहभागिताले  हिलारीकाे पक्षमा व्यापक समर्थन जुट्ने कुरामा आफु बिश्वस्त रहेको बताए l 

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com