गजल By, कोमल भट्ट
चोखो निष्ठा,प्रार्थना र पुकार भेटिॅदैन
सद्भावले भरिएको,विचार भेटिॅदैन
आक्रान्त छिन् मातृभूमि बेइमानीबाट
दोषरहित स्वच्छ सफा बजार भेटिॅदैन
उच्छृङ्खलता चुलिँदै छ समाजमा रोजै
आफ्नो गौरव झल्काउने शृंगार भेटिॅदैन
मेहनती छैनन् प्राय: अल्छी भए धेरै
निष्क्रियता उर्लेको छ रफ्तार भेटिॅदैन
समस्याले ग्रस्त भए सबै क्षेत्र ऐले
समाधानको आस गर्ने आधार भेटिॅदैन
चारैतिर बढेको छ अधर्मीको ताँती
जति खोजी गरे पनि उदार भेटिॅदैन
गुरुजन र मान्यजनको कदर छैन कतै
सरल,शिष्ट,अनुशासित,आभार भेटिॅदैन
बेहाल छ जिन्दगानी दलदलेमा फस्दा
कहाँ होला पार लाग्ने,किनार भेटिॅदैन
मेची काली मिले मात्र बन्छ देश हाम्रो
सद्प्रेम र भातृत्वको प्रसार भेटिॅदैन
-कोमल भट्ट
चन्द्रागिरी न.पा -२१
काठमाडौँ
हाल:-न्युयोर्क,अमेरिका
