कविता 'नारी एक दृष्टिकोण अनेक '


कविता By, मन्जुश्री

'नारी एक दृष्टिकोण अनेक '

सृष्टिकै सुन्दर फुल अनि काडा पनि नारी
कतै नयाँ चमत्कारि कतै पृथ्वीकै भारी।
लगनशील , जिम्मेवारी र जवाफदेहीता सबैमा बराबरि
उन्लाइ हेर्ने दृष्टिकोण मात्र फरक पारी ।।

उनिनै रूपवती ,गुणवति अनि चरित्रहिन पनि
मुल्यांकन केवल योगदानको मात्र शब्दले जननी ।
माया ममता र सहनशीलताले भरिपुर्ण महान नारी
नीति नियम सिद्धान्तका पारखीनै स्वयं अपहरणकारी।।

कतै कुटिन्छे कतै पुजिन्छे एउटै नारी पनि
कतै लुटिन्छे कतै पुरस्कृत हुन्छे एउटै नारी पनि ।
अधिकार र आरक्षण सुनिस्चित गर्नु छैन अब जरुरी
लड्नु पर्छ नारी तिमी मात्र स्वतन्त्रताका लागी जसरी ।।

मन्जुश्री 

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com