क्यान्सरबाट बच्न ध्यान दिनुहोस् यी खानेकुरामा ...

काठमाण्डौ जेठ २६,–

 गेडागुडीको झोल, आलु, रोटी दालभात, तरकारीका साथै प्रशस्त सागपात र फलफूल खाने ।

–    मासु धेरै नखाने

–    हरेक दिन कम्तीमा  चार सय ग्राम फलफूल र सागपात खानु आवश्यक छ । फलफूलमा भएको भिटामिन र खनिज पदार्थ एवं रेशायुक्त वस्तुले धेरै प्रकारका क्यान्सरबाट बचाउँछ ।

–    दैनिक खानामा दालभातसँग गेडागुडी पनि समावेश गर्ने ।

–    सकेसम्म पालिस कम भएका पोषणयुक्त गेडागुडी बढी ध्यान दिने । यी खाद्य पदार्थ प्रोटिनका राम्रा स्रोत हुन् ।

–    राँगा, खसी, बङ्गुर वा भेडाको रातो मासु सकेसम्म खाँदै नखाने । खानैपरे माछा र कुखराको मासु खाने । मासु बढी खानेलाई क्यान्सरको सम्भावना बढी हुन्छ ।

–    बढी पोलेको र धुवाँमा सेकिएको खाद्य परिकार नखाने । यस्ता परिकारमा कार्बनलगायत अखाद्य मात्रा बढी हुन्छन् ।

–    खाद्यवस्तुलाई उसिनेर, बफाएर वा पकाएर खाने गर्नाले स्वास्थ्यका लागि फाइदाजनक हुन्छ ।

–    धेरै बोसो खानाले स्तन, ठूलो आन्द्रा, प्रोस्टेट ग्लान्डको क्यान्सरको सम्भावना बढी हुन्छ ।

–    जाँड, रक्सी र सुर्र्तीजन्य पदार्थको सेवनले मुख, घाँटी, श्वासनली, फोक्सो, कलेजो र स्तन क्यान्सर हुने खतरा हुन्छ ।

–    नुन कम खाने

–    खाना सकेसम्म ताजा खाने । धेरै दिनसम्म तापक्रम नमिलाई थन्काइराखेको खाना नखाने । यस्तो खानामा विषाक्त हुन्छ जसबाट कलेजोको क्यान्सर हुने सम्भावना हुन्छ ।

–   प्राकृतिक खाद्यपदार्थ मात्रा मिलाएर आवश्यकता अनुसार सेवन गर्ने ।

–    शरीरको वजनलाई धेरै कम वा बेसी हुन नदिने । उमेर बढी भएकाले आफ्नो शरीरको वजन बढेमा पनि पाँच किलोभन्दा बढी बढ्न नदिने ।

–    नित्य शारीरिक व्यायाम गरी शरीरलाई चुस्त र तन्दुरुस्त राख्ने ।

–    अधिक वजन भएकालाई पेट, पाठेघर, पित्तथैली, प्रोस्टेट ग्लान्डआदिको क्यान्सर हुने सम्भावना बढी हुन्छ ।

स्रोत; नेपाल अर्बुद रोग निवारण संस्था

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com