पिउने पानी किन धेरै समय उमाल्नु हुँदैन ?

एजेन्सी बैशाख २९,

सबैले जानेको कुरा हो पानी यत्तिकै भन्दा उमालेर पिउँदा स्वस्थकर हुन्छ । हरेक कुराको एउटा सीमा हुन्छ, त्यस्तै पानी उमाल्नुको पनि सीमा हुन्छ । 

यदि त्यो सीमा भन्दा बढी पानी उमालेर पिउन थालियो भने स्वास्थ्यका लागि हानीकारक हुनसक्छ । जब पानी धेरै उमालिन्छ वा बारम्बार उमालिन्छ, तब यसमा आर्सेनिक, नाइट्राइट र फ्लुराइडको मात्रै धेरै बढ्छ । यीनीहरुको अधिक मात्रा स्वास्थ्यका लागि हानिकारक छ । 

विषालु नाइट्राइटः पानीलाई धेरै उमाल्दा यसमा नाइट्राइटको मात्रा बढ्दै जान्छ । जुन यसको एक अवयव पनि हो । पानी धेरै उमालेपछि नाइट्राइट स्वास्थ्यका लागि हानिकारक तत्वमा बदलिने संभावना हुन्छ । किनभने उच्च तापमानमा नाइट्राइट नाइट्रोसेमिनमा बदलिन्छ । 

जुन क्यान्सरको कारक बन्न सक्छ । आर्सेनिकको मात्राः पानी धेरै उमाल्दा यसमा आर्सेनिकको मात्रै बढ्छ । आर्सेनिक धेरै भएको पानी पिउँदा क्यान्सर, मुटुरोगजस्ता बिराम हुने खतरा बढ्छ । जो धेरै समयदेखि आर्सेनिक धेरै भएको पानी पिउँदै आएको छ, उसलाई छाला सम्बन्धि रोग हुने संभावना प्रबल हुन्छ । 

फ्लुराइडको मात्रा बढ्दाः पानी धेरै उमाल्दा फ्लुराइडको मात्रो बढ्दै जान्छ । लामो समयसम्म धेरै फ्लुराइडयुक्त पानी पिउनेमा हड्डि कमजोर हुने रोग देखिन सक्छ । 

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com