महिनावारीमा धेरै ब्लिडिंग हुँदा के गर्ने !

 काठमाडौं चैत्र २६,

महिना दिनको अन्तरमा हुने रगतश्राव नै महिनावारी हो । सामान्यतः यो २१ दिनदेखि ३५ दिनको अन्तरमा ३ देखि ५ दिन वा ७ दिनसम्म हुन्छ ।

पहिलो दिन कम रगत गए पनि दोस्रो–तेस्रो दिन ८० मिलिग्रामसम्म रगत खेर जान सक्छ । अर्थात् ३–४ वटा प्याड फेर्नुपर्ने हुन सक्छ । उक्त अवधिभन्दा बढी दिन वा ८० मिलिग्रामभन्दा बढी रगत गए वा दुवै भएको अवस्थालाई मेनोरेजिया भनिन्छ ।

यो अवस्थामा शरीरको रगत धेरै खेर जाने भएकाले उपचार आवश्यक हुन्छ । मेनोरेजियाका कारण धेरै भएकाले यो रोग पत्ता लगाउन केही परीक्षण गर्नुपर्ने हुन सक्छ । धेरैजसो अवस्थामा औषधिको सेवनले नै यसलाई ठीक गर्न सकिन्छ ।

कुनै–कुनै अवस्था तथा औषधिले सम्भव नभएको खण्डमा पाठेघरको शल्यक्रिया गर्नुपर्ने हुन सक्छ । यस्तो अवस्थामा कसै–कसैलाई परिवार नियोजनका अस्थायी साधन खाने चक्कीले पनि फाइदा गर्छ । 

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com