' नारी '

' नारी '

घरको उज्यालो बत्ति हौ, किन कि तिमी नारी हौ i
जीवनको अथाह शक्ति हौ, किन कि तिमी नारी हौ 
धर्ति हौ तिमी, जसले आकाशको अर्थ बोकेको छ 
तिम्रो सहनशीलताले, कैयौं आंधी हुरी रोकेको छ |

तिम्रो आगमनले हरेक घरमा, खुशिको लहर छाएको छ
तिम्रो ममताको आँचलमा, सन्तानले जीवन पाएको छ
ठूली हौ या तिमी सानी हौ, सबैको आँखाकि नानी हौ
आमा, बैनी वा प्रेयसी हौ, अवश्य ममताकी खानी हौ |

छोरा र छोरी समान हुन्, नगर्नु कुनै भेदभाव
छोरी भनेर हेला गरे, लाग्नेछ जीवनमा ठूलो पाप
शिक्षा दीक्षा देउ बराबर, बरावर मिलोस अवसर
मलजल सहित स्याहार गरे, नहुने फल नै के छ र !

-राजा घले
एटल्यान्टा ,अमेरिका

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com