रंगीन काव्य उत्सवले रंगियो इजरायली भुमी

तेलअभिव (इज़रायल) चैत्र ७,

यही मिति मार्च १९ तारिख शनिबारका दिन वसन्त ऋतुको आगमनसंगै मनाइने पर्व फागु पुर्णिमा ( होली ) र इजरायलमा मनाइने यस्तै प्रकृतिको रंगीन चाड 'पुरिम' को अवसर पारेर इजरायलको तेल अभिभमा एक भव्य साहित्यिक उत्सव सम्पन्न भएको छ । 'रंगीन काव्य उत्सव' नाम दिइएको सो साहित्यिक कार्यक्रम अन्तर्राष्ट्रीय नेपाली साहित्य समाज इजरायल च्याप्टरले आयोजना गरेको हो ।

बिभिन्न चरणहरुमा सम्पन्न सो काव्य उत्सवमा गीत, संगीत, नृत्य लगायत इजरायलका श्रष्टा तथा साहित्यानुरागीहरुका काव्यवाचन प्रमुख आकर्षण रहेको थियो भने हालसम्म इजरायलमा रहेर साहित्यिक कृति या गीति संग्रह प्रकाशित गर्नु भएका श्रष्टाहरुको सम्मान, त्यसैगरी इजरायलका लागि नेपालका महामहिम राजदूतज्युको अभिनन्दन तथा अनेसास च्याप्टरको कार्यसमिति गठन लगायतका विविध साहित्यिक कार्यक्रमहरु सम्पन्न भएका थिए ।

नेपाली दुतावास इजरायलका महामहिम राजदूत श्री प्रल्हादकुमार प्रसाईको प्रमुख आतिथ्य तथा संयुक्त राष्ट्रसंघका डा. ध्रुव कोइरालाको विशेष आतिथ्य रहेको सो समारोह अन्तर्राष्ट्रीय नेपाली साहित्य समाज इजरायल च्याप्टरका निवर्तमान अध्यक्ष कृष्णपक्ष थापाको सभापतित्वमा सम्पन्न भएको थियो ।

इजरायलका सबै संघ संस्थाहरु लगायत नेपाली दुतावास इजरायलका सहचारी भोजकुमार भट्टराई साथै इजरायलस्थित अन्य साहित्यिक संस्थाहरुको प्रतिनिधि उपस्थिति रहेको उक्त साहित्यिक कार्यक्रम भव्यताका साथ् सम्पन्न भयो ।

कार्यक्रमको उद्घाटन प्रमुख अतिथि महामहिम राजदूत श्री प्रल्हादकुमार प्रसाई र कार्यक्रमका सभापति कृष्णपक्ष थापाबाट पानसमा दीप प्रज्वलनका साथै नेपाली राष्ट्रीय गानबाट गरिएको थियो भने कार्यक्रमको संचालन गीतकार तथा अनेसास इजरायलका कोषाध्यक्ष सुमन कार्कीले गर्नु भएको थियो । कार्यक्रममा अनेसास इजरायलका उपाध्यक्ष तथा संस्थापक सदस्य कुमार पौडेलले स्वागत मन्तव्य राख्नु भएको थियो ।

अनेसास केन्द्रीय कार्यसमितिका अध्यक्ष पदम विश्वकर्मा, पुर्व अध्यक्ष तथा बोर्ड अफ ट्रष्टीका सदस्य ज्ञानेन्द्र गदालका साथै इजरायल च्याप्टरका संस्थापक अध्यक्ष सुनील संगमको शुभकामना संदेशसहित आरम्भ गरिएको सो कार्यक्रममा आकृति अधिकारी र पेमा लामाले आकर्षक नृत्य प्रस्तुत गर्नु भएको थियो भने हजुरी शाह कँडेल, भरत थापा असफल र  गणेश गौतम सागरले गीत गाएर मिठो सांगीतिक प्रस्तुति दिनु भएको थियो ।

कविता वाचन गर्नुहुनेहरुमा कृष्ण कला वनेम, सानु खतिवडा, निता ढकाल, भोला थापा, राम ढुंगाना,  नुतन भुसाल, विष्णु भट्टराई, नितु खतिवडा, सुचित्रा खानिया, निशा खनाल अर्याल, सिमा श्रेष्ठ, दिपिका भुषाल, केशु पोखरेल, सुभद्रा घिमिरे, सबिता अधिकारी घिमिरे, बिनु गुरूङ, बेलकुमारी घिमिरे,  दिया तिवारी,   सुरेन्द्र प्रसाई, भगवती बस्नेत, समाश्री, श्री कृष्ण भण्डारी, यश घिमिरे आफै उपस्थित भई आ आफ्ना गीत गज़ल कविता र मुक्तकहरु सुनाउनु भएको थियो भने समय अभावका कारण  प्रत्यक्ष वाचन गर्न असमर्थ हुनुभएका  वेदना उपाध्याय, श्रीकृष्ण अधिकारी तथा सावित्री लुइँटेल घिमिरेका रचनाहरु संचालकले पढेर सुनाउनु भएको थियो ।

इजरायलमा रहेर बिभिन्न साहित्यिक र सांगीतिक कृतिहरु प्रकाशन गर्नु भएका साहित्यकारलाई पनि यस काव्य उत्सवमा उहाँहरुको कृतिको कदरस्वरूप प्रसंशा गरिएको थियो । यसरी प्रशंसित हुनुहुने श्रष्टाहरुमा पुस्तकतर्फ - लक्ष्मी अनुरागी - (समय संयोग, किनारा), श्रीराम अधिकारी - (जल्छ मुटु भित्र भित्रै),  सुचित्रा खनिया - (गोधुली गुञ्जन, मनफुल),  निशा अर्याल  - (जीवनलाई चियाउदा), भगवती बस्नेत - (रहर भो जिन्दगी, प्रेमदह, किनाराको मन),  समाश्री - (वंशलोचन),  शान्ति पाख्रिन - (निरिह समदृष्टि),  बेलकुमारी घिमिरे - (नओभाएका आँखाहरु),  बसु श्रेष्ठ - (प्यासी जिन्दगी ), कल्पना पौडेल जिज्ञासु - (भावनाका भेलहरु र जुन हराएको रात), विमला शर्मा ढुंगाना - (क्षितिजपारीको जुन),  साबि पाठक - (चम्पाका हजार पाइला) , आर के शर्मा - (माधुर्य), सावित्रा लुइँटेल घिमिरे - (खोली बिनाको बगर),  कृष्ण कला वनेम - (बिर्सिएका गीतहरु र अविश्वासको तरंग), हुनुहुन्थ्यो । त्यसै गरि सांगीतिक कृतितर्फ निता ढकाल - (भावना) , नवराज खड्का - (अनुभूति), सुमन कार्की - (तुलसा), नुतन भुषाल - (नुतन), कुमार आन्ग्दम्बे अबि - (संयोगवश), रजनी शर्मा - (तीज विशेष गीति एल्वम), रेशम छेत्री - (लोक गायक तथा संकलक ) पेमा लामा - (पेमा), इशा लावती - (पहिलो माया, परेली), अम्बेबर लिम्बू  (मधुरस) हुनुहुन्थ्यो ।

संस्थाको स्थापनाकाल देखि योगदान पुर्याउदै आउनु भएका साहित्यिक व्यक्तित्वहरु नवराज आचार्य, यश घिमिरे र कुमार पौडेललाई अनेसास इजरायलका तर्फबाट विशेष सम्मान गरिएको थियो ।

कार्यक्रमको अर्को चरणमा नेपाली दुतावास इजरायलका महामहिम राजदूत श्री प्रल्हादकुमार प्रसाईलाई अन्तर्राष्ट्रीय नेपाली साहित्य समाजका तर्फबाट अध्यक्ष कृष्णपक्षले अभिनन्दन गर्नुका साथै इजरायलको सम्झनास्वरुप जेरुसेलम शहरको मुर्ति कुँदिएको प्रतिमा उपहार प्रदान गर्नु भएको थियो ।

प्रमुख अतिथिका तर्फबाट मन्तव्य राख्ने क्रममा राजदूत प्रसाईले कार्यक्रमको मिठो समीक्षा गर्दै काव्यवाचन गर्नेहरुको सिर्जनाको प्रशंसा गर्नु भयो । उहाँले संसार भर विस्तारित अनेसासको इतिहास लामो रहेको भन्दै इजरायलमा यस्तो प्रकृतिको कार्यक्रमको आयोजना गरिएकोमा खुसि व्यक्त गर्नु भयो ।

त्यसपछि कार्यक्रमका सभापति तथा अनेसासका निवर्तमान अध्यक्ष कृष्णपक्षले संस्थाका गतिविधिहरुको चर्चा गर्दै अनेसास इजरायल च्याप्टरको नयाँ कार्यसमितिको घोषणा गर्नुभयो । उहाँले कार्यसमितिका पदाधिकारीहरुलाई हार्दिक बधाई दिदै संस्थाको गरिमा र लक्ष्य प्राप्तिका लागि सदैव लाग्नु हुनेछ भन्ने शुभकामना पनि दिनु भयो ।

नयाँ कार्यसमितिमा अध्यक्ष - भगवती बस्नेत, उपाध्यक्ष - लक्ष्मी अनुरागी, महासचिव - निशा खनाल अर्याल, सचिव - दिपिका भुषाल, कोषाध्यक्ष - लीला रिजाल र सदस्यहरुमा सिमा श्रेष्ठ, निता ढकाल, नुतन भुषाल, दिया चापागाईं, आर के शर्मा, सुभद्रा घिमिरे, हजुरी शाह कंडेल हुनुहुन्छ । सल्लाहकारहरुमा डा. ध्रुव कोइराला, कृष्णपक्ष थापा, समाश्री, श्रीकृष्ण भण्डारी, सुवास खरेल,  दिपक प्रसाद ओली, सुमन कार्की र यश घिमिरे रहनु भएको छ ।

श्रव्य दृश्य र फोटोग्राफीमा माला खनाल, नयन सापकोटाका साथै कार्यक्रम सुचारु रुपले संचालन गर्नका लागि बिपिन तामाङ्ग र भोजराज क्षेत्रीले उल्लेख्य सहयोग पुर्याउनु भएको थियो । साँझ पांच बजेसम्म संचालित सो काव्य उत्सव इजरायलको तेल अभिभस्थित सेन्ट्रल बस स्टेसनको एभेरेष्ट क्लबमा संचालन भएको थियो ।

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com