'गज़ल' By, कोमल भट्ट


'गज़ल' By, कोमल भट्ट

चाँदनी झैं थियौ मेरी आमा
माधवी झैं थियौ मेरी आमा ll १ ll

दर्द सारा हर्यौ माया गर्दै
औषधी झैं थियौ मेरी आमा ll २ ll

रोजरोजै तिमी दिन्थ्यौ ज्ञान
भारती झैं थियौ मेरी आमा  ll ३ ll

व्यस्तताले सतायो रातोदिन
पौरखी झैं थियौ मेरी आमा ll ४ ll

कष्ट खप्थ्यौ सधैँ धर्ती बन्दै
सारथी झैं थियौ मेरी आमा ll ५ ll

बात हुन्थे मिठा पीयूष भुल्ने
मालश्री झैं थियौ मेरी आमा ll ६ ll

स्वच्छतामै बित्यो सारा जीवन
सादगी झैं थियौ मेरी आमा ll ७ ll

स्नेह वर्षा गर्यौ पीडा हर्दै
निर्झरी झैं थियौ मेरी आमा ll ८ ll

छैन कोही तिमी जस्तै सुन्दर
उर्वशी झैं थियौ मेरी आमा ll ९ ll

दिन्छु श्रद्धाञ्जली सम्झी धेरै
तापसी झैं थियौ मेरी आमा ll १० ll

बहरे रमल -३
(फ़ाइलातुन् + मफ़ाइलुन् + फेलुन् ) 
कोमल भट्ट
पुरानो नैकाप,काठमाडौँ
हाल:-न्युयोर्क,अमेरिका

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com