दुई घण्टाकी अतिथी थाइ राजकुमारीका लागि ४० हजार डलरको शौचालय

कम्बोडिया, फागुन १२ ,

कम्बोडिया भ्रमणका क्रममा थाईल्याण्डकी राजकुमारी महा चक्री सिरिन्धोर्नका लागि ४० हजार अमेरिकी डलरको लागतमा शौचालय बनाइएको छ ।

उनले दुई घण्टा समय बिताउने स्थानमा उक्त सुविधा सम्पन्न शौचालय बनाइएको भए पनि प्रयोगमा भने नआएको बताइएको छ ।

स्थानीय नेता वेन चुर्कका अनुसार राजकुमारीले शौचालय प्रयोग नै गरिनन् । बरु उनले शौचालयको तस्वीर लिएकी छन् ।

उनी उत्तरपूर्वी कम्बोडियाको यइक लोममा पुग्दा उनको सत्कारमा ठूलै तामझाम देखाइएको थियो । सोही क्रममा उक्त लक्जरी शौचालय बनाइएको अधिकारीहरुले जनाएका छन् ।

स्थानीय संचारमाध्यमका अनुसार सो क्षेत्रका बासिन्दा निकै पिछडिएका छन् भने उनीहरु अझै खुला स्थानमा शौच गर्दै आएका छन् ।

राजकुमारी सो क्षेत्रको भ्रमणबाट फर्किसकेकी छन् भने अहिले सो शौचालय घरलाई सुरक्षा चौकीमा परिणत गरिएको छ । एजेन्सी;

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com