गजल By, कबिराज मगर

</
गजल By, कबिराज मगर

नफस्नु साथी अप्ठेरो हुन्छ बिदेसी बाटैमा
 पसिना बगाई केही गरि देखाउँ स्वदेसी माटैमा ।

बिरामी पर्दा बिचरा भन्ने कोहि हुन्न पर्देशमा
 जन्मेको ठाँउ मरौला त्यहीँ जलौला घाटैमा ।

नरोजौँ महल नदेखौँ सपना अर्का कै मलुकको
 झुपडी भित्रै रमाउँला बरु साग सिस्नो आँटैमा ।

न चढौँ गाडी हिडौँला पैदल गाउँकै ती गोरेटो
 सुन त हाम्रो पौरखले फल्छ के जान्छौ फाँटैमा ।

सताउँछन तिम्लाई पसिना चुसी अर्काको ठाँउमा
 नजाउ बिदेस बिक्ने छौ तिमी बिदेसी हाटैमा ।।

नोट:-
 हाट = बजार
  कबिराज मगर
  दिप्लुङ १ केरावारी
   खोटाङ

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com