२० मुलुकमा फैलियो 'जीका' भाइरस, विश्वभर महामारीको रुप लिन सक्ने चेतावनी

एजेन्सी माघ १५,

पछिल्ला समयमा अमेरिकी मुलुकहरुमा देखिएको जिका भाइरसले महामारीको रुप लिन सक्ने चेतावनी अमेरिकी स्वास्थ्य वैज्ञानिकले विश्व स्वास्थ्य संगठनलाई दिएका छन् ।
 तस्वीर सौजन्य न्युर्योक टाइम्स
यस रोगले निकट भविष्यमै विश्वभर बिस्फोटक महामारीको रुप लिन सक्ने उनीहरुले चेतावनी दिएका हुन । एउटा अमेरिकाको स्वाथ्यसम्बन्धि जर्नलमा लेख्दै इबोला महामारीबाट पाठ लिन र रोग विज्ञहरुको आपतकालिन वैठक बोलाउन आव्हान गरेका हुन् ।

जिका भाइरसबिरुद्धको खोप परीक्षण गर्न दुई वर्ष लाग्ने समेत बताएका छन् । बालबालिकाको कमजोर मष्तिष्कसँग सम्बन्धित जिकाले ब्राजिलमा भने त्रास ल्याएको छ । ब्राजिलमा हजारौं मानिस यस संक्रमणबाट प्रभावित भएको र अहिलेसम्म २० मुलुकमा फैलिएको बताइएको छ ।

जिकाबिरुद्ध लड्न ल्याटिन अमेरिकी मुलुक एक जुट हुनुपर्ने ब्राजिलकी राष्ट्रपति डिल्मा रुसफले बताएकी छिन् । रोगबारे ज्ञानको आदान प्रदान गर्नु महत्वपूर्ण भएको राष्ट्रपति रुसेफले इक्वेडरमा आयोजित एक सम्मेलनमा बताइन् । आगामी साता जिका भाइरसलाई मध्य नजर राख्दै क्षेत्रीय स्वास्थ्यमन्त्रीहरुको वैठक बस्दैछ ।

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com