गज़ल By, कल्पना पौडेल ; जिज्ञासु '



आन्दोलन गर्न छोड मधेसी हामी जनता बाँच्नु पर्छ
कालो बजार बढ्दै छ देशमा महंगी त्यो नाँस्नु पर्छ

जो मरे पनि नेपाली हुन् लड्न छोडी शोच यस्तो
हिमाल पहाड र तराई सबै युगौयुग हाँस्नु पर्छ

एकले थुके सुकी जान्छ सयले थुके नदी भन्छन
विकासका ति मूल फुटाउन भाइचारा गाँस्नु पर्छ

रिस राग कलंक त्यागेर सहमतिको निकास खोजे
शान्ति छाउँछ देशमा पैला बाधक तत्व माँस्नु पर्छ

धेरै सरकार फेरीई सके काँचुली त्यो फेरिएन
कुन नेता छन् सहि गलत अब हाम्ले जाँच्नु पर्छ

कल्पना  पौडेल ; जिज्ञासु '
गैडाकोट ४ नवलपरासी
हाल = इजरायल

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com