गजल By, धर्म राज वन्त


 गजल ,

भतुवाहरुको लामै लाम छ दुताबासमा
तछाड मछाड हुने जाम छ दुताबासमा !

आज न कुनै चाडबाड न गणतन्त्र दिवश
तैपनि सीता धनुषा धाम छ दुताबासमा !

सुरा र सुन्दरीको पनि पक्कै व्यबस्था होला
त्यसैले गजबको ताम झाम छ दुताबासमा!

खाली हात पक्कै फर्किनु नपर्ने गएपछि
कहीँ जिन्सी त कहीँ दाम छ दुताबासमा !

मेरो नजर ती सबै लेण्डुप दोर्जे नै हुन
हेर्दै जाम क कस्को नाम छ दुताबासमा !

धर्म राज वन्त
बसुन्धरा काठमाण्डु

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com