चेपाङ विद्यार्थीलाई निशूल्क भेटेरिनरी पढाउने घोषणा

शिशिर सिंखडा चितवन,२९ भाद्र ,

नारायणी सामुदायिक अस्पताल भरतपुरका प्रबन्ध निर्देशक पुष्पराज शर्माले दुई जना चेपाङ विद्यार्थीलाई भेटेरिनरी जेटिए पढाउने घोषणा गर्नुभएको छ । 

आफनो ५८ औं जन्मोत्सव तथा तीजको अबसरमा पूर्वी चितवनको रत्ननगर १०–मँगलपूरमा रहेको गामवेसीको चेपाङ संरक्षण केन्द्रमा आयोजित कार्यक्रममा उहाँले केन्द्रमा आश्रित झलक चेपाङ र सावित्री चेपाङलाई निशूल्क भेटेरिनरी जेटिए पठाउने घोषणा गर्नुभएको हो । 

जन्म दिन मनाउन छोरी प्रतिक्षा धिताल संगै केन्द्रमा पुगेका शर्माले तीजका अबसरमा केन्द्रमा आश्रित चेपाङ वालवालिकालाई दर पनि खुवाउनुभएको छ । 

शर्मामाले यस अघि केन्द्रमै आश्रित विवेक चेपाङ र रेशम चेपाङलाई निशूल्क भेटेरिनरी जेटिए पढाइ सक्नुभएको छ भने केन्द्रलाई आवश्यक पर्ने कपडा, स्टेशनरी र छात्रवृद्धि प्रदान गर्दै आउनुभएको केन्द्रका अध्यक्ष केपिकिरण शर्माले जानकारी दिनुभयो ।

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com