गजल ' By, मानन्धर अभागी



गजल ' By, मानन्धर अभागी

अनेकतामा एकता ल्याउन जरुरी छ
धर्ममा स्वतन्त्रता पाउन जरुरी छ

जुनसुकै धर्म होस् मानिस यौटै हुन्
एक आपसमा रमाउन जरुरी छ

आकाशमा चन्द्र सूर्य दुई थरी छैन नै
मिलेर हातमा हात बढाउन जरुरी छ

घुँडा टेकेर होस् वा हात जोडेर होस्
आफू खुशी पुजा चलाउन जरुरी छ

धर्म निरपेक्ष होस् वा हिन्दु राष्ट्र होस्
माया भए यो देश बचाउन जरुरी छ

कति खेपी बस्नु र सँधै बन्द हड्ताल
अब देखिन् बन्द हटाउन जरुरी छ

जनताले मुक्ती पाउन अबको संविधानमा
फाँसी दिने कानुन लेखाउन जरुरी छ ।

मानन्धर अभागी

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com