गज़ल: By, कोमल भट्ट


गज़ल: By, कोमल भट्ट

अतालिएँ प्रवासले साथी
मनै मर्यो उदासले साथी

मडारिदै गए सयौँ पिडा 
खिसी गरे विलासले साथी

कथा भए अतीत ती ऐले 
विदा लिए मिठासले साथी

निरन्तरै खपें यहाँ दु:ख 
सुकी सकें म प्यासले साथी

निसासिएँ भएर कैदी झैं 
दगाधरे निकासले साथी

न गाँस भो न वास नै आफ्नो 
भुले सधैँ कपासले साथी

छरीबरी सरी भए चाहा 
लग्यो खुसी बतासले साथी

(विश्राम :- ४ र ८ अक्षरमा)
कोमल भट्ट
पुरानो नैकाप,काठमाडौँ
हाल:-न्युयोर्क,अमेरिका

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com