अमेरिकाका NRN अध्यक्ष भन्छन: निर्वाचन परिणाम पारदर्शी नभए पहरो मात्र फुट्दैन सुनामी आउँछ

वाशिंगटन डिसी आषाढ ८,

विजय थापा : गैर आवासीय नेपाली संघ ,राष्ट्रिय समन्वय समिति अमेरिका अहिले विवादमा मुसिएको छ । विश्वमा रहेका सबै एनआरएन मध्ये धेरै सदस्य भएको देश बन्दै किर्तिमान कायम गर्न सफल भएको एनआरएन अमेरिका निर्वाचन नतिजाको बिषयलाई लिएर चरम विवादको भुंग्रोमा तानिएको छ ।

एनआरएन अमेरिकाका अध्यक्ष पदका प्रत्याशीहरु बिरोधका कार्यक्रम गरि रहेका छन् भने निर्वाचित कार्यकारी समिति सुचारु रुपले काम गरि रहेका छन् ।

एनआरएनए अन्तरराष्ट्रिय समन्यव समितिले ठोस कदम चाल्ने छ भनि प्रतिक्षारत रहेको अवस्था छ । यस गम्भीर तथा संबेदनशील अवस्थामा निर्वाचन परिणाममा असन्तुस्ट भै बिरोध गर्दै न्याय निसाफको लागि लडी रहेका एनआरएन अमेरिकाका अध्यक्ष पदका प्रत्याशीहरु संग यसै सेरोफेरोमा रही कुराकानी गर्ने अवसर पाएका थियौ ।

कार्य व्यस्तता तथा अन्य कारणले एनआरएन अमेरिकाका अध्यक्ष पदका सम्पूर्ण प्रत्याशीहरुसंग सम्पर्क तथा कुराकानी गर्न सफल नभएता पनि उपलब्ध र सम्पर्कमा भएकाहरुले भनाई यसरी पस्केका थिए ।

पहिलो प्रश्न हामीले यस्तो राखेका थियौ , एनआरएन अमेरीकाको विवादको भुमरीमा मुसिएको छ , हावा नचली पात हल्लिन्छ ? या हावा चले पछि पात हल्लिएको हो ? 

नगेन्द्र पौडेलले यसरि आफ्नो विचार राखे , निर्बाचन पूर्व नै जब जित र हारको निर्णय गरिन्छ, त्यसले भुकम्प ल्याउछ । हामि अमेरिकामा बस्छौ भने, यहाँको काइदा, कानून र तौर तरिका अनुसार चल्न सिक्नु पर्छ । यदि त्यो सिकियो भने दुनियाँको कुनै कुनामा गए पनि तपाई लाई धोका हुदैन ।

यसै गरि यहि प्रश्न श्री पराजुली लाई राख्दा उनले यसरि आफ्नो असन्तुस्ट पोखे , बिबाद भन्दा पनि जुन परिस्थितीको सिर्जना भयो त्यो राम्रो होइन । स्वास्थ्य बिबादले त वास्तवमा सकारात्मक गती पैदा गर्छ । यहाँ त सम्बन्धित निकायको बल मिचाइ र पराजित भनेर हेप्ने प्रवृतिले गर्दा यस्तो हुन पुगेको हो ।

र, दोश्रो प्रश्न हामीले यसरि सोधेका थियौ : विवादको निकास तार्किक बिन्दुमा कहिले पुग्छ ? नगेन्द्र पौडेलले तुरुन्त जवाफ दिए , जब चुनाबी परिणाम आम अमेरिकाबासिका लागि पारदर्शी बनाइन्छ । श्री पराजुलीले पनि त्यतिनै खेर जवाफ दिए ,उठेका बिषयहरुमा सम्बन्धित पक्ष जती गम्भिर र ईमान्दारी रुपमा प्रस्तुत हुन्छ । त्यति नै छिटो निकास आउन सक्छ ।

पहिलो र दोश्रो समाप्त हुन साथ तेश्रो प्रश्न हामीले यसरी राखेका थियौ , अब समाधान अग्रगामी दिशामा कसरि बढ्दछ ?

पौडेलले यस्तो जवाफ दिए , चुनाब गराउने जिम्मा लिएको समुहले प्रजातान्त्रिक मूल्य मान्यताका आधारभूत बिशेषतालाई आत्मसाथ गर्ने बित्तिकै समाधान निस्कन्छ भने । यसै गरि श्री पराजुलीले पनि यस्तै प्रकारको जवाफ दिए , उठान गरिएका मुद्धाहरु वास्तवमा स्वाभाविक छन । यसलाई जिम्मेबारी पुर्वक सम्बोधन गरिनु पर्दछ भन्ने सोच सम्बन्धित निकायले महसुश गरी अगाडि बढेको खन्डमा तत्काल समाधान निस्कन्छ ।

कसैको पनि अस्तित्व र स्वाभिमान लाई नजर अन्दाज गर्ने प्रवृति कायम रह्यो भने रह्यो बिभाजनले प्रश्रय पाउछ भने ।

हाल सालै न्युयोर्कमा पत्रकार सम्मेलन मार्फत स-प्रमाण प्रस्तुत गर्नु भएको प्रसंग संगै अब चरणबद्ध के कार्यक्रम हुन्छ ? भन्ने जिज्ञाशामा अध्यक्ष पदका प्रत्याशी नगेन्द्र पौडेलले भने चुनाबी परिणाम आम अमेरिकबासिका लागि पारदर्शी बनाइएन भने न्यायालयको ढोका ढकढक्याइन्छ ।

हामीले अर्को प्रश्न यसरि राख्यौ ,एनआरएन अमेरिका लहरो तान्दा पहरो जाने सम्भावना देखिन थालेको छ ? बिगतमा पनि बिधुतिय मतदानबाट यस्तो भएको पनि आशंका उब्जिन थालेका छन् ? 

पौडेलले को भनाई यस्तो रह्यो ,जहाँ आन्तरिक रुपमा एक व्यक्ति सयौं भोट गरिन्छ, त्यहाँ पहरो मात्र फुट्दैन बरु सुनामी आउँछ भन्ने भनाई राखे ।

कतै बिधुतिय प्रणाली त्रुटि पूर्ण त छैन भन्ने बिषयमा चर्चा गर्दै अमेरिकामा बिधुतिय निर्वाचनले के संदेश दिएको छ भन्ने जिज्ञाशा राखेका थियौ ?

नगेन्द्र पौडेल तथा श्री पराजुलीले यसरि जवाफ दिए : यहाँ समस्या बिद्धुतिय प्रणालीको होइन l यहाँ स्थापित प्रणालीमाथि कसैले सन्देह गर्न पाउदैन तसर्थ आन्तरिक रुपमा जे गरे पनि हुन्छ भन्ने आशयबाट रचिएका प्रपंच हुन् ! यदि समाजप्रति जिम्मेवारी बोध हुन्थ्यो भने प्रजातान्त्रिक अभ्यासका नाममा प्रतिस्पर्धा पुर्व नै बिजयी को भनेर निश्चित गरेपछि खेलमा अरुलाई होमिदैन पौडेलले भने ।
आधुनिक र उच्च प्रबिधि युक्त बिधुतिय पद्दतिलाई दोष दिनु भन्दा उक्त पद्धतिलाई हामीले इमान्दरार र पारदर्शी रुपमा प्रयोग गर्ने कि नगर्ने भन्ने हो श्री पराजुलीले यसरि उत्तर दिए ।

अर्को प्रश्न फेरी राखेका थियौ ,अब आगामी निर्वाचनमा बिधुतिय निर्वाचन पद्धति स्वीकार या अस्विकार ?

पौडेलले भने प्रबिधि मान्छेले काम सहज रुपमा सम्पन्न गर्नका लागि मान्छेद्वारा नै सृजित उपलब्धि हुन् । यिनको प्रयोग आवश्यक छ । तर प्रयोजनमा ल्याउनेले यसको दुरुपयोग गर्न पाउनु हुदैन । पुन: प्रबिधि प्रयोग गरेको या नगरेको दुवै अवस्थामा पुर्ण पारदर्शिता र इमान्दारिता भएमा बिद्धुतिय प्रणालीको निर्वाचनले केहि फरक पार्दैन भने ।

र पराजुलीले भनाई यस्तो रह्यो :दोष पद्धतिको हैन हामी भित्रको अहम र सहि चिजलाई उपयुक्त र अधिकांसको हितमा उपयोग गर्ने प्रयास नगर्नु हो पद्धति स्वीकार्य छ ।

विवाद झ्याँगिए पछि विवादको निकासको लागि वार्ता टोलि पनि चयन भएकोले समाधान हुने कुरामा कतिको आशामा हुनु हुन्छ ?भन्ने जिज्ञासामा यसरि पौडेलले उत्तर दिए , म आशाबादी मान्छे हु lतर पराजुलीले अलिक फरक जवाफ दिए ,हरेक समस्याले समाधान पनि लिएरै जन्मेको हुन्छ । समाधान गर्नु पर्ने निकाय संग समाधानको बिन्दु देख्ने दृष्टि र सकारात्मक सोच हुनु पर्यो भने ।

बिगतमा भएका गल्ति र कमि कमजोरीलाई नकोट्याई अब अग्रगामी दिशामा बढ्न वर्तमान समितिले आग्रह गर्दै सकारात्मक संदेश लिएर आए यहाहरुको के प्रतिक्रिया हुन्छ ? 

नगेन्द्र पौडेलले यस्तो उत्तर दिए , समस्या बिगत देखिको निरन्तरता हो तसर्थ आज पुन: यसमा आँखा चिम्लिदिउ, भोलि देखि सुधार गरौला भन्ने कुरा प्रवासी प्रनेपालीको आँखामा पुन: धुलो छर्ने अर्को प्रयाश हुनेछ । हामीले सुधार नगरे - कसले गर्ने ? आज शुरु नगरे - कहिले गर्ने ? भन्ने विचार राखे ।

र पराजुलीको पनि त्यस्तै मिल्दो जुल्दो जवाफ दिए , भएका गल्तिलाई पुरै आँखा चिम्लेर चिम्लेर बस्दा आगामी दिनहरुमा पनि फेरी दोहोरिने हुन्छ । जो सुकैले गरेको किन नहोस ,भएको गल्ति समाजमा स्पस्ट पार्नु नै पर्छ । वर्तमान समितिलाई निर्बाध रुपमा अगि बढ्न सबैको हार्दिक सहयोग रहन्छ । तर उठेका बिषयहरुको न्यायपूर्ण निराकरणका लागि अग्रगामी सोच र प्रयास हुनु पर्यो भने ।

के को लागि यत्रो संघर्ष ? के मात्र यहाहरुले प्राप्त गरे यसको समाधान होला ? भन्ने राखिएको जिज्ञाशामा यस्तो उत्तर पौडेल र पराजुलीले दिए । हामीहरु लाई केहि प्राप्त गर्नु छैन । समाजका अभियन्ताहरु र यसका संयन्त्रहरु जिम्मेबार र पारदर्शी हुनु पर्यो । समाजका सदस्यहरु आफ्ना नेताहरु र आफ्ना संयन्त्रबाट भए गरेका गतिबिधीबाट भलीभाँती सुसुचित हुन पाउनु पर्यो भने 

हामीले महत्वपूर्ण जिज्ञाशा बारेमा यसरी सोधेका थियौ , निर्वाचनमा सबुत समेत फेला फरेको अवस्था छ भने यो कतिको धारिलो हतियार बन्न सक्ला ? 

नगेन्द्र पौडेलले यस्तो जवाफ तुरुन्तै दिए , विषाक्त प्रक्रियाको अन्त, यदि यो सुनियोजित ठहरेमा जिम्मेवार संस्था या व्यक्तिहरुलाई कारबाही । त्यसपछि सच्चा प्रजातान्त्रिक प्रणालीको सुरुवात भने । श्री पराजुलीले यस्तो उत्तर दिए म यो संस्था सबै प्रवासीहरुको साझा हो । यसले गर्ने हरेक कार्यहरु प्रति सबै सदस्यको सुक्ष्म निगरानी रहनु पर्छ । नेतृत्वले सधै सहि गर्छ बन्ने होइन तसर्थ हरेक सद्स्यले यसको स्वामित्व ग्रहण गर्नु नै पर्छ ।

र अन्त्यमा गैर आवासीय नेपाली संघ अमेरिकाका १२ हजार सदस्यहरुलाई वस्तुत के संदेश दिन चाहनु हुन्छ भन्ने सवालमा यस्तो जवाफ दुबैको पाईयो ।

हामि यो संस्था मार्फत समस्त अमेरिकबासी आप्रवाशिको प्रतिनिधित्व होस् भन्ने चाहन्छौ ! त्यो उद्धेस्य प्राप्तिका लागी यो संस्थामा बिशुद्ध प्रजातान्त्रिक प्रक्रियाबाट नेतृत्वको चयन हुने परिपाटी बस्नुपर्छ भन्ने हो भने ।

यस कुराकानीमा उपस्थिति हुन् असमर्थ भए पनि अध्यक्ष पदका प्रत्याशीले साथीहरुले अभिव्यक्त गरेका विचारहरु प्रति ऐक्यबद्धता रहेको बताएका थिए । संस्थाको संस्थागत विकास गर्नु पर्ने अपरिहार्यता र संस्थाको बृहत हितमा काम गर्नु पर्ने भएकोले यो गम्भीर बिषय हो भन्दै सम्बन्धित निकायले हाम्रा कुराहरु अवस्य सुन्ने छन् भनि आफुहरु आशाबादी रहेको कुराकानीमा बताए ।

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com