तातोपानी गाविस बस्न लायक छैन Photo Feature

तातोपानी जेठ १०,

जय कार्की : यो बौद्धको फाँट हो । यहाँ एउटा सानो मैदान छ र पानी परेपछि जम्छ,, पानीको कुनै निकास छैन । 

सिन्धुपाल्चोक चीनसित सिमाना जोडिएको तातोपानी गाविसवाट उद्धार गरेर ल्याईएका यहाँ ५० परिवार पीडितहरुलाई सुुरक्षितसाथ आवासको व्यवस्था मिलाइएको देखिन्छ । 

अरुको त्रिपालको जिन्दगी हेर्दा यिनीहरुको निकै व्यवस्थित देखिन्छ । बाल गृह, संचारको राम्रो व्यवस्था(टिभी,रेडियो,पत्रपत्रिका र इन्टरनेट) औषधी, खानेपानी , सौचालय र व्यवस्थित भान्छा घर सहितको स्वयंसेवकको स्वदेशी र विदेशीको डफ्फा नै छ । तर पनि उनीहरु सातो हराएको शिशु जस्तो भएका छन् । उनीहरुको थातथलोमा धाँजा परेको छ,, पैरो गएको छ,, घरको भग्नाबशेष पनि पैरोले काहाँ पुर्यायो उनीहरुलाई अत्तो पत्तो छैन । उनीहरुलाई हेलिकप्टरको सहायतावाट तातोपानीवाट उद्धार गरी ल्याएको थियो । 
हामीसित कुरा गर्दै एक जना ७० बर्षी तामाङ बा भन्छन् तपाईहरुले तातोपानी गाविस अव गएर चिन्न सक्नुहून्न, हामीलाई हेलीमा हालेर त्यहावाट बारविसे ल्यायो त्यसपछि गाडि चढाएर काठमाण्डौ ल्ययो । यस्ता आन्तरिक सरणार्थी शिविरहरु अनगिन्तिरुपमा बृद्धि हुंदैछन् ।



Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com